Басты

Астана қаласы әкімдігінің «Мамандандырылған балалар үйі» МКМ-нің сайтына қош келідіңіздер! 

1.Жалпы ережелер 

  1. Астана қаласы әкімдігінің «Мамандандырылған балалар үйі» мемлекеттік коммуналдық мекемесі (бұдан әрі – Мекеме) емдеу және алдын алу функцияларын жүзеге асыру үшін ұйымдық құқықтық нысанында құрылған, заңды тұлға мәртебесіне ие коммерциялық емес мекеме болып табылады.
  2. Мекеменің түрі: коммуналдық.
  3. Мекеме алғышқыда «Денсаулық сақтау жүйесінің мекемелерін қайта құру туралы» Астана қаласы арнайы экономикалық аймағы Әкімшілік кеңесінің 2000 жылғы 7 наурыздағы № 3-1-1341 шешімімен құрылды.
  4. Мекеменің құрылтайшысы жергілікті атқарушы орган – Астана қаласының әкімдігі (бұдан әрі – Әкімдік) болып табылады.
  5. Астана қаласы әкімдігінің 2013 жылғы 14 наурызындағы №106-373 қаулысымен Астана қаласы әкімдігінің «Мамандындырылған балалар үйі» Мемлекеттік коммуналдық мекемесі (бұдан әрі – Балалар үйі) туралы Ереже бекітілді.
  6. Өкілетті орган - «Астана қаласының Денсаулық сақтау басқармасы» Мемлекеттік мекемесі болып табылады.
  7. Мекеменің толық атауы: Астана қаласы әкімдігінің «Мамандандырылған балалар үйі» мемлекеттік коммуналдық мекемесі. Мекеменің қысқартылған атауы: Астана қаласы әкімдігінің «Мамандандырылған балалар үйі» МКМ.
  8. Мекеменің орналасқан жері: Қазақстан Республикасы, 010000, Астана қаласы, Алматы ауданы, Манас көшесі, № 17/1.
  9. Мекеме қызметінің мақсаты жетім балалар мен ата-анасының қамқорлығынсыз қалған балаларды, жас аналардан туған балалар мен некесіз туған балаларды, сонымен қатар ойлау және физикалық дамуында ақауы бар балаларды тәрбиелеу және медициналық көмек көрсету болып табылады.
  10. Мекеменің қызмет түрлерін жүзеге асыру үшін үш түрлі бөлімше бар:
  • «Үміт» бөлімшесі;
  • дені сау балалар бөлімшесі;
  • психоневрологиялық аурулармен ауыратын балалар бөлімшесі;
  • баланың өміріне немесе денсаулығына отбасында қауіп төндірген жағдайларда қалған балаларға арналған дағдарыс бөлімшесі;
  • күндізгі уақытқа қабылданатын және денсаулық сақтау мекемелері мекенжайы бойынша оңалтуға жіберілетін мүмкіндіктері шектеулі балаларға арналған оңалту бөлімшесі.

Балалар үйінің  функцияларына:

  • баланы баланың тұлғалық құқықтарының, оның жеке даму еркіндігінің, этномәдениетпен және дәстүрмен органикалық байланысының, кемсітушіліктің кез келген нысандарына жол бермеудің қамтамасыз етілуі мен қорғалуы қағидаттарында тәрбиелеу;
  • балалық шақтағы ауруларды ықпалдастыра емдеу  әдісін енгізу арқылы тегін медициналық көмектің кепілдік берілген көлемінің шеңберінде балаларға медициналық көмекті қамтамасыз ету: балалардың жағдайын ағымдағы медициналық байқауды қамтамасыз ету; балаларды профилактикалық медициналық қарап-тексеруді ұйымдастыру.
  • өмірлік қиын жағдайға тап болған, баладан бас тарту қаупі бар отбасыларға арнаулы әлеуметтік қызметтерді көрсету, оларды балаларды күту бойынша оқыту.

Балалар үйінің қызметі нормативті-құқықтық актілерін мемлекеттік тіркеу реестрінде №16278 тіркелген, 2017 жылдың 27 желтоқсанындағы Қазақстан Республикасының Денсаулық сақтау министрінің «Туғаннан бастап үш жасқа дейінгі жетім балаларға, ата-анасының қамқорлығынсыз қалған балаларға, туғаннан бастап төрт жасқа дейінгі, психикасының және дене бітімінің дамуында кемістігі бар балаларға арналған, баладан бас тарту қаупі бар отбасыларды психологиялық-педагогикалық қолдауды жүзеге асыратын денсаулық сақтау ұйымдарының қызметі туралы ережені бекіту туралы» №1008 бұйрығымен регламенттелген.


Соңғы жаңалықтар

Балалардың жүрегі жылынатын үй!

on .

«Қазақстан» телеарнасының журналистері біздің үйдің педагог-тәрбиешісі Бекмаганбетова Гаухар Ибрагимовнадан сұхбат алды. Гаухар Ибрагимовна Астана қаласы әкімдігі «Мамандандырылған балалар үйі» МКМ-де 30 жылдан астам уақыт жұмыс жасап келеді. Біздің мекемедегі көпжылдық тәжірибесінің арқасында ол кісі қалыптасқан жұмыс жүйесі мен стилін өзгертіп, топтардан шағын жанұя құрған жаңашыл педагогтардың  бірі.

«Өз үйімде» жанұялық моделі  біздің балалар үйіне  өткен жылдан бері енгізілген. Бұл аталған жобаның арқасында бүлдіршіндердің даму динамикасының артқаны байқалады. Балалар достық қарым-қатынаста болуды және ұжымда бірге тұруды үйренуде. Мұндай  жанұялық топтарда бүлдіршіндер өздерін барынша жайлы, еркін  ұстап, жанұялық жылулықты сезінді. Әсіресе мұндай жағдай біздің мекемеде туылғаннан бері тұрып жатқан бүлдіршіндерде көбірек байқалады.

Тағдырдың жазуымен  ата-анасының қамқорынан тыс қалған  кішкентай бүлдіршіндерге қандай жағдай жасалса да, біз әрбір бала өз жанұясында тәрбиеленуі керек екенін түсінеміз! Бұл мәселені шешу үшін, балалар үйінің ұжымы барлық күш-жігерлерін аямайды.

Құрметті ата-аналар! Соңғы айлары Қазақстанда қызылшамен сырқаттанушылық жағдайы тіркелген. Балаларыңызға мұқият болуды сұраймыз

on .

Қазіргі кезде қызылша сияқты инфекциялық ауру бойынша эпидемиологиялық жағдай тұрақты емес. Соңғы жылдары Еуропаның көптеген елдерінде қызылшамен сырқаттанушылық байқалады. ДДҰ-ы қызылшамен сырқаттанушылықтың себебін қызылшаға қарсы вакцинациямен аз қамтылумен байланыстырып отыр. Бұл Қазақстан аумағына осы инфекцияның әкелінуі және егілмеген тұрғындар арасында оның тез таралуы қаупін арттырады. 

Қызылша дегеніміз не және ол несімен қауіпті? 

Қызылша – дене қызуының 38-40° С-қа дейін көтерілуімен, жалпы уланумен, шырышты көз, мұрын жұтқыншақ, жоғарғы тыныс алу жолдарындағы қабыну құбылыстарымен, кейіннен бөртпенің пайда болуымен сипатталатын жіті инфекциялық ауру. Жалпы әлсіздік пайда болып, бас ауырып, тәбет төмендейді, ұйқы бұзылады. 

Қызылша кезінде кейіннен бір біріне бірігетін, қызғылт немесе қызыл дақ түрінде бөртпелер шығады. 

Тұңғыш Президент күні

on .

Қазақстан елінің азаматтары Тұңғыш Президент күні мерекесін бесінші жыл атап жатыр. Алғашқы жалпы халықтық Приезидент сайлауы 1991 жылдың 01 желтоқсанында өтті. Сол сайлауда Нұрсұлтан Назарбаев сайлаушылардың 98,7% жинадыү

 

Бүгінгі күні Балалар үйінде мерекелік іс-шара өтті. Президент өмірінің маңызды сәттерін еске алып, фильмін көрдік, ұжымды бас дәрігер Сәле Кенжетайқызы Кенжебаева мен кәсіподақ комитетінің төрайымы Анаргүл Нұхайқызы Смағұлова құттықтады. «Шабыт» Қазақ Ұлттық өнер университетінің студенттері өнерлерін көрсетіп, балаларға ұлттық нақышта өз қолдарымен жасаған қуыршақтарды сыйлады.

Байланыс ақпараты

Қабылдау: 57-11-26

Кадрлар бөлімі: 56-11-27

Юрист: 56-12-61

Бас есепші: 57-31-16

Старший воспитатель: 54-75-40

Ординаторская: 57-11-27

Старшая медсестра: 56-17-56

Вахта: 54-75-40

Сызба нұсқа